الخميس، 21 فبراير 2013

6 حكايات عن قصص قصيرة جدا


6 حكايات عن قصص قصيرة جدا
1- حكاية أول قصة قصيرة.. اكتبها
أفتكر... لما كنت صغير قامت في دماغي في يوم من الأيام أكتب قصة.. ليه ماعرفش.. وأفتكر إني كتبت قصة.. وأفتكر كمان إنها كانت عن ولد صغير جدا، وجميل جدا، وبنت صغيرة جدا، وجميلة جدا.. حبوا بعض بشكل ما من أشكال الحب إللي يعرفها بس العيال الصغيرين.. أنا كنت سعيد جدا بقصة الحب ده،  لكن في نفس الوقت كنت مكسوف جدا لدرجة إنى خبيت القصة كلها عن أي حد أعرفه، لكن أفتكر برضه إنّه في يوم من الأيام أنا وجدت القصة في إيد أبي... ماعرفش إزاى عثر عليها.. لكن المهم إنّه بعد ما قرا القصة.. رمى في وشي بالكراسة وضربنى قلم أو قلمين مش أكثر ومشى غضبان... ليه؟.. برضه ماعرفش.. ساعتها حزنت جدا.. جدا.. وقطعت قصة الحب قطع صغيرة جدا.. جدا خوفا من إن أى حد تاني يقراها ورميتها في الشارع ونسيت القصة..
من ساعة واحدة بس أنا عثرت على أول قصة قصيرة كتبها ابني الصغير جدا.. جدا.. وقريتها..  ومن ساعة واحدة بس أنا رميت ابنى الصغير جدا.. جدا بالكراسة في وشه وضربته قلم أو قلمين مش أكثر.. وقلت لنفسي.. "ولد صغير جدا يحب بنت صغيرة جدا.. قلة ادب".. ومشيت غضبان وتوقعت إنّه هيرمي بقطع الورق الصغيرة جدا في الشارع ويحزن جدا.. جدا..  وينسى الحب.
2- حكاية قصة قصيرة..  جميلة جدا
مرة كتبت قصة قصيرة جميلة جدا.. لما شفتها قلت لنفسي.."لو لبستها فستان قصير جميل، وعملت من شعرها الطويل ضفيرة وحيدة بلون الليل.. ممكن شباب كثير يتسلقها ويقع فى حب صاحبتها.. ويملوا صفحات وصفحات عن جمالها وحبهم، ويسهروا ليالى وليالى، ويبكوا أيام وأيام، وينتحروا واحد ورا واحد....".. وعلى كدا فكرت في تغير شكلها، بدل اللون الخمرى خلتها سودا، وبدل الشعر الأسود خليته أصفر، وضحكت قوي لما لقيت سودا بشعر أصفر ومت م الضحك...
تصور إني لحد دلوقتي باموت م الضحك كل ما أقرا قصتي القصيرة جدا إللي كانت جميلة جدا بوشها الخمرى وشعرها إللي زى الليل.
3- حكاية قصة قصيرة.. طالت جدا
مرة حاولت أكتب قصة قصيرة، لكن طالت مني جدا لدرجة إنها قدرت تحجب عن عيني ضوء الشمس وماقدرتش أبدا أشوف إللي مرسوم وراها، وفضلت سنين طويلة مش قادر أحدد ملامحها ولا أرسمها في دماغي، ولما يأست قلت لنفسي.. "لازم أهدم أجزاء من عملي علشان أقدر أشوف بقيته..".. وفضلت أسأل نفسى أهدم أي جزء أوله ولا وسطه ولا أخره، ونمت مشغول جدا بالموضوع دا... الغريب إنّي لما نمت حلمت بيها وحلمت إني قدرت أشوف إللي وراها.. كانت سما مليانه نجوم.. عيال بتلعب وناس شغالين تعبانين... لكن برضه كان فيه واحد قاعد على كرسي عالي وبيدخن وساكت.. شكله خطير.. كان بيفكر إزاى يهد الأول ولا الوسط ولا الأخر من غير ما يوقع قصتي..
4-  حكاية قصة قصيرة..  قبيحة جدا
مرة كتبت قصة قصيرة قبيحة جدا، لما قريتها حسيت إن القبح إللي فيها فاق حتى قبح الواقع إللي أحنا عايشينه.. طب منين جه القبح دا؟...
أنا فكرت كثير وكررت قراءة القصة أكثر من مرة وفي كل مرة ألاقى القبح بيزيد مش بيقل.. طب من إيه!!؟
..يمكن من كمية الزبالة إللي مرمية قدام بيت البطل، والا من غلو الأسعار إللي كان بيفجع البطلة كل ما تنزل السوق، ولا يمكن من تكثيف وجمع الواقع المر إللي عايشه البطل والبطلة معا فبدل ما كان هو عايش في مر وهى عايشه في مر اتوحد مرهم، ولا يمكن علشان النهاية المفجعة إللي انتهت بيها حياة البطل وهو بيرمى بنفسه من فوق سطوح البيت لما شاف البطلة إللي ماقدرش يضمها لصدره ولامرة مرمية فى حضن واحد راكب عربية جميلة جدا...
عارفين أنا متهيألي إن العربية ده هى سبب القبح الشديد إللي في قصتي.
5- حكاية قصة قصيرة... حزينة جدا
مرة كتبت قصة قصيرة حزينة جدا، لما قريتها حسيت إن الحزن إللي جواها أكبر من حزن الدنيا كله.. قلت لنفسي.. "لازم أقلل درجة الحزن فيها".. وعلى كدا فكرت في النكتة.. ولما كان عمري ما خلقت النكتة و لا قلتها... سألت عن أي واحد يقدر يخلق نكتة...  يمكن يلاقي مكان في قصتي القصيرة الحزينة جدا مناسب ولو لنكتة واحدة.. وبعد ما دخت وطلع ديني.. عرفت إن أخر واحد كان بيخلق نكت مات من عشر سنين، ومن ساعتها الناس ماقدرتش وما أصبحش حتى عندها القدرة إنها تضحك.. وعلى كدا أنا احتفظت بقصتي القصيرة الحزينة جدا كما هى، مستني إللي هيقدر يلاقي المكان المناسب والنكتة المناسبه له وكل ما أقراها أبكي قوي... قوي.. لان الحزن إللي جوايا أكبر من حزن الدنيا كله.
6-  حكاية قصة قصيرة جدا.. بلا نهاية
مرة كتبت قصة قصيرة جدا.. وأنا بكتبها لقيت إن التطور الطبيعي للأحداث إن بطل القصة لازم ينتحر.... لكن إزاى!!!... دا البطل!!!... "لو أقدر أغير مصيره..".. احترت جدا، وفكرت في اعادة صياغة القصة من جديد... لكن كل طريق مشيت فيه كان بيقربني من النهاية الطبيعية.. انتحار البطل وعلى كدا سبتها بدون نهاية.. وكل يوم أكتب سطر جديد في القصة علشان أطولها يمكن أقدر أغير المصير الطبيعي لبطلها.. لكن الغريب إن كل سطر جديد ينكتب بيقربني من الانتحار. 

هناك 43 تعليقًا:

  1. فروته قال:
    أبريل 29th, 2009 at 29 أبريل 2009 10:09 م

    تدري انك واحد فاااااااااااااااااااضي

    ردحذف
  2. عزيزى او عزيزتى فروته
    طبعا واحد فاضى هو فى حد يكتب كلام زى دا الا اذا كان فاضى ورايق كمان
    شكرا للاهتمام بتوصيل رايك لصاحب العمل واتمنى ارى رايك فى باقى الاعمال
    شكرا

    ردحذف

  3. سوسو قال:
    مايو 23rd, 2010 at 23 مايو 2010 2:38 م

    قصصك سخيفه ولا تكتب قصه مره ثانيه ولا اذا بغيت تكتب قصه اكتبه بالهجه السعوديه مب بالمصريه : جا بابا ررمها فوشي بموت م الضحك اكتبه زين يمه مايعرف يعبر

    ردحذف
  4. هاى سوسو .. انا ما عندى مانع من الكتابة باللهجة السعودية بس انت هتفهمى ساعتها القصة ولا برضوا هتشوفى انها سخيفة … عموما سوسو تعالى نتعاون سوا .. انا اكتب بالعامية المصرية ونكتب تحتها الترجمة بالعامية السعودية .. سعيد بمرورك وننتظر تعليقك فى اعمالنا كلها
    باى سوس

    ردحذف
  5. كنق كونق قال:
    مايو 29th, 2010 at 29 مايو 2010 7:39 م

    اشرها على الي علمك تدخل النت يا تافه يا ما عند اهلك سالفه لا عاد تكتب قصه مثل وجهك خايسه جدا جدا جدا مصري نصاب ويبغا يكتب قصص ضف وجهك يا فول

    ردحذف
  6. سوسو … كده بقى واضح ان فى حاجة مضيقاكى غير القصة .. لان لو الموضوع موضوع قصة ماكنتيش كل شوية تعدى عليها علشان تسيبى حتة من نفسك … سوسو فكرى فى اقتراحى اللى فوق نتعاون سوا ونلجأ الى ترجمة اللهجات مستنى رايك يا سوسو
    باى

    ردحذف
  7. حلا قال:
    نوفمبر 16th, 2010 at 16 نوفمبر 2010 10:16 م

    انا احب وحد وهو يحبني بس انا بتركه

    ردحذف
  8. ليه حلا .. انت مش تتمسك به

    ردحذف

  9. RaYaNoOo قال:
    ديسمبر 17th, 2010 at 17 ديسمبر 2010 1:43 ص

    تضرب شو انك واااحد تافه وحيوان
    اصلا المصرين بشكل عام ئليلين ذوء وتافهين
    تفوو عليك يا كلب

    ردحذف
  10. مش انا قلت لك من الاول يا سوسو ان فيه حاجة مضيقاك غير الشغل المنشور
    اولا انا سعيد جدا انك متابع شغلنا وكل شوية تبص وتسيب حته من نفسك حتى لو كانت بتعكس حالة من السفالة وتردى الاخلاق والذوق الادبى لكن نأمل باستمرار القراءة انه يحدث تحسن وتتذوق او على الاقل تقدر تعبر عن رايك باسلوب ارقى لغة من اللغة الحالية
    ثانيا : من الواضح كمان انك مش عربى فى الغالب انت صهيونى والهدف من الدخول كما هى عادة الصهاينة الدائمة محاولة الوقيعة بين العرب خاصة الشعوب حتى يستطيعوا البقاء اطول فترة على ارض فلسطين لذلك فرايك فى المصريين مش مهم قوى لكن يسعدنا طبعا انك حاسس بكل هذا الحقد تجاه مصر والمصريين لان دا معناه انك عارف احنا فين وموقعنا هيكون فين
    اخيرا يسعدنا جدا يا سوسو انك تمر باستمرار وانك تعبر عن اللى جواك هنا
    سلام يا سوسو

    ردحذف
  11. عصام قال:
    مارس 14th, 2011 at 14 مارس 2011 8:58 م

    لاء جميله اوى

    ردحذف
  12. أشكرك جدا اخى عصام ، يسعدنى مرورك وكلماتك الطيبة .. ننتظرك دائما فى صفحات المدونة

    ردحذف
  13. زوزو قال:
    مايو 19th, 2011 at 19 مايو 2011 2:01 م

    هاها انو عادي كل انسان بعبر عن لي بألبو بطيقتو الخاصة صح ..

    ردحذف
  14. طبعا يا زوزو صح .. كل واحد بيعكس اللى جواه فى رده .. ومقدر فهمة .. لذلك نحن لا نستطيع الا ان نشكر كل من يمر حتى لو كان سوسو مثلا .. اهلا بيك يا زوزو ننتظر دائما انك تعبرى عن اللى فى قلبك بطريقتك

    ردحذف

  15. twister rashed قال:
    سبتمبر 5th, 2011 at 5 سبتمبر 2011 6:39 ص

    عجبتنى تلك القصه جدا اتمنالك التوفيق لكنى ما لاقى اعمالك الاخرى !!!!

    ردحذف
  16. اشكرك جدا اخى العزيز .. يسعدنى دائما مرورك على المدونة وترك الكلمات التى تعبر بها عن رايك .. بالنسبة للوصول لباقى الاعمال .. ستجد على الجانب تحت عنوان ” احدث الادراجات ” اسماء القصص بالضغط على الاسم ستنتقل الى الصفحة .. وستجد فى نهاية العنوان كلمة المزيد اذا ضغطت عليها .. ستنقل الى جميع الاعمال فى شكل قوائم يمكنك التنقل والاختيار منها بالضغط على اسم العمل .. سأنتظر اعرف هل وصلت ام لا …
    تحياتى

    ردحذف
  17. احمد يوسف قال:
    سبتمبر 6th, 2011 at 6 سبتمبر 2011 10:01 م

    حضرتك كاتب محترم جدا جدا

    ردحذف
  18. اشكرك جدا اخى احمد .. واسعدنى كثيرا مرورك الكريم وكلماتك الطيبة .. ارجو ان ارى باستمرار كلماتك على صفحات المدونة .. جزيل شكرى لمشاعرك الطيبة
    تحياتى

    ردحذف
  19. منو قال:
    سبتمبر 13th, 2011 at 13 سبتمبر 2011 12:29 ص

    اممممممم السخاااااااااااااافه

    ردحذف
  20. مصرية قال:
    سبتمبر 17th, 2011 at 17 سبتمبر 2011 8:30 م

    ليه الحزن فى كتابتك ممكن نشوف
    الامل خصوصا بعد الثورة

    ردحذف
  21. اختى العزيزة مصرية .. بالتأكيد الامل موجود قبل الثورة وبعد الثورة .. وكنا دائما لا نشك فى مصر وشعبها .. لكن حالة الحزن ده حالة وجدانية داخلية لا تعنى ابدا اليأس ولعلنا نرى فى كتابات كاتب جميل زى ابراهيم عبد المجيد هذا الاحساس دائما هو يرتبط ربما بنوع التربية والبئية مش بالضرورة بالواقع السياسى .. اشكرك جدا اختى المصرية ونتمنى ان ترى فى ايامك القادمة السعادة والهنا
    تحياتى

    ردحذف
  22. مسيكة قال:
    ديسمبر 14th, 2011 at 14 ديسمبر 2011 8:50 ص

    قصتي أنا غريبة في السنة الماضية تعرفت على شاب أعجبني كثيرا و بعد مرور وقت بيننا أحببته و أحببته بقوة و هو كذلك كان يبادلني نفس الشعور و كان يعاملني معاملة خاصة و لم يقصر من جهتي أبدا لكن المشلكلة في أنا إنني من طبعي خائنة و مهما الحب الذي كنت أكنه له لكنني أخدعه و مع مرور الوقت إكتشف ذلك وتركني و انا الآن نادمة و أحاول بكل طريقة إسترجاعه دلوني كيف أستطيع ذلك.

    ردحذف
  23. بسيطة يا مسيكة .. انت تروحى وتعترفى له بكل حاجة .. بس لازم تكونى صادقة فى الاول مع نفسك انك خلا ص مش بتحبى الخيانة .. ساعتها وبالتأكيد اذا كان بيحبك هيرجع تانى .. جربى

    ردحذف
  24. فاغل خير قال:
    يناير 4th, 2012 at 4 يناير 2012 10:13 ص

    اول حاقه
    محدش بيتكلم عن مصر كده
    تاني حاقه
    ايه الي الإصة سخيفة و تفو عليك أو إنت واحد فاضي ياعالــــــــــــــــــــــــــــــــــــــــــــم
    إيه الأخلاء دي احترموا الناس شوي

    ردحذف
  25. سوسو .. انا سعيد جدا انك غيرت اسمك الى فاعل خير .. بس كويس فيه تقدم فى اسلوبك فى الكتابة .. بلاش نتكلم على الاخطاء والحروف اللى ضاعت .. لكن على الاقل مفهوم انك لسه مافهمتش وان فيه حاجة غيظاكى اكتر من القصة .. يمكن تكون حوارات انا بعملها فى حتة تانية .. شوفى يا سوسو .. انا لسه عند رأى اللى قلته مع اول رد لك تعالى نتعاون سوا .. طبعا مش فى مجال ” الاخلاء ههههههههههههههه ” لا فى مجالات برا الاخلاق .. اننا نكتب القصة باكتر من لهجة .. ولا ايه يا سوسو .. يا فاعل الخير

    ردحذف
  26. زيزو زكريا
    قصصك القصيره راثعة جدا جدا
    قلم مميز
    أقرؤا مدونته ياساده

    http://www.altekeya.com/vb/showthread.php?t=13012

    ردحذف
  27. مصراوية

    راااااااااااااائعة ..ما شاء الله
    بسييييييييييييطة جدا لدرجة التعقيد..لكن ذلك الاسلوب السهل الممتنع ربما تناقص قليلا في القصة الرابعة
    بس بجد حلوة قوي وان كنت باسجل اعتراضي الشديد على تعبير”طلع ديني “خاصة مع سهولة استبداله

    http://www.altekeya.com/vb/showthread.php?t=13012

    ردحذف
  28. سيموز

    قرأت القصة الأولى
    وهي لم تدع لي مجالا للتكملة بعد تلك الحالة

    قصة مفزعة جدا

    تعبيرك مميز بشدة والقصة قوية لكن فقط أعيب عليها استخدام العامية رغم أن عاميتها أغلبها قصحى بسيطة وفقط كلمات قليلة جدا كان يمكن استبدالها لتصبح اللغة كلها من الفصحى العامية الجميلة

    http://www.altekeya.com/vb/showthread.php?t=13012

    ردحذف
  29. اشكرك جدا استاذ زيزو واتمنى ان تكون من زوار مدونتنا دائما .. ونرحب باى زائر ويسعدنا دائما ان نعرف رايكم مباشرة على صفحات المدونة وملاحظتكم
    تحياتى

    ردحذف
  30. سيموز

    الثانية أقرب لخاطرة وربما لم أستسغ ضحك البطل بها فالموقف أقرب للشجن

    القصة الثالثة جميلة وتحتمل تأويلا كثيرا

    لكن تظل العامية غير مقبولة في السرد في رأيي

    نتمنى أن نراك متفاعلا مع أعمال الشاب هنا بالرأي والرؤية
    http://www.altekeya.com/vb/showthread.php?t=13012

    ردحذف
  31. ياسووو
    قرأت القصص الست كاملة
    اسلوبك دفعنى للتكملة ..زسرد واقعى فى اطار قصصى بشكل مميز
    لا اعيب العامية ابدا فى السرد اذ انه يعبر عن التفاعل الطبيعى مع العمل
    كما انه يعد تطويرا لغة الادبية بما يتطلبه القارئ العادى
    اتفق مع مصراوية فى ان لفظة (طلع دينى ) قميئة حيث انها شذت عن السياق الراقى
    وطلع عينى اقرب للقلب
    دمت متميزا
    http://www.altekeya.com/vb/showthread.php?t=13012

    ردحذف
  32. سيموز

    العامية في السرد تضييع للغة والهوية يا عزيزي
    ربما نقبلها في الحوار لإضفاء الواقعية

    استبدال الفصحى بالعامية في فنون الأدب مصيبة وهاوية لا تطوير والقارئ وإن قلنا بالاقتراب منه وعدم التعالي عليه إلا أن ذلك ليس معناه تضييع الأدب واللغة
    ذلك أشبه بحجج منتجي الأفلام بحجة الجمهور عايز
    http://www.altekeya.com/vb/showthread.php?t=13012

    ردحذف
  33. احمد فياض

    الصديق مصطفى طلبة..
    تحمل القصة الأولى فكرة جميلة ..
    وفي الثالثة روح أخاذة ساحرة ، تذكرني نوعا ما بكتابات نجيب محفوظ في (أصداء السيرة الذاتية) و(أحلام فترة النقاهة)..
    لولا أنني لا أستطيع تقبل فكرة الكتابة بالعامية ..
    أتصور القصة الثالثة ، بلغة فصحى سهلة وعذبة ، من الممكن أن تكون عملا بديعا ..
    ولك تحياتي
    http://www.altekeya.com/vb/showthread.php?t=13012

    ردحذف
  34. عزيزتى مصراوية .. اشكرك جدا على رايك فى النص ، ويسعدنى ان نرى دائما تعليقك على اعمالنا .. بالنسبة للقصة الرابعة مش عارف انا كنت اعتقد انه اذا كان فيه قصة محتاجة تفسير لانها صعبة هتبقى الثالثة المسماة ” قصة قصيرة طالت جدا ” لكن ربما هى وجهات نظر .. بالنسبة لاعتراضك على تعبير ” طلع دينى” انت عارفه ان المصرى متدين لدرجة شديدة وهو يستخدم هذا التعبير لان خروجه من الدين هو اخر حاجة ممكن يفكر فيها او يفعلها لذلك التعبير يعنى فقط وصل الى اخر ما فى الدنيا بالنسبة له .. واعتقد انه تعبير منتشر جدا وانا شخصيا استخدمه وبسهولة هههههههههههههههههههه .. اشكرك مرة ثانية ويسعدنى دائما ان نتبادل الاراء حول الاعمال
    خالص تحياتى

    ردحذف
  35. اشكرك صديقتى سيموز على رايك فى العمل فى الحقيقة ان قضية استخدام اللهجة العامية فى الكتابة تحتاج مساحة اكبر ربما تتاح لنا فيما بعد مناقشتها .. لكن انا دائما افضل ان استخدم العامية المصرية كلما كنت اقترب من شكل الحكاية فى سردى .. اتمنى بس ان تكون اللهجة جميلة ومناسبة لحركة النص
    تحياتى

    ردحذف
  36. صديقتنا سيموز .. فى الحقيقة الموقف فى القصة الثانية عبثى .. فهو يخلق الجمال ثم يشوه وبالتالى فالضحك جزء من عبث الموقف .. لا يمكن ان يقال انها خاطرة نظرا لان عنوان الموضوع من البداية هو حكايات عن قصص .. وبالتالى فانا احكى حكاية هذه القصة .. بالنسبة للغة اواللهجة فالنتابع لعلنا ننجح فى كسر المقدسات هههههههههه
    اشكرك لتفاعلك الجميل
    تحياتى

    ردحذف
  37. ياسووو العزيزة … اشكرك جدا .. انا ايضا لا اعيب على اى عمل فنى استخدام كل الامكانيات الممكنة ليستطيع الكاتب من ايصال الفكرة الى الناس .. بعيدا طبعا عن حكاية الشكل والمضمون التى يمكن الرجوع اليها عند اللزوم .. كلمة طلع دينى .. انا شرحت المقصود منها ولا اعتقد انها لفظ قمئ بل على العكس هو لفظ يعكس حالة قرف واكثر من اى مصطلح تانى بالنسبة للمصرى .. وانا ارى دائما اننا نتجاهل اين تستخدم الكلمة وننظر فقط الى كلمة الدين ونعترض .. مرة ثانية سعيد جدا برايك وننتظر ارائك دايما فى اعمالنا
    خالص ودى وتحياتى

    ردحذف
  38. سيموز العزيزة .. انا لن ادخل فى جدل حول الهوية وكيف نضيعها .. لكن اعتقد ان فيه مشكلة عند بعض الناس اللى طول النهار تشاهد التلفزيون الذى يتحدث بالعامية ويخرجون الى الشارع ليتحدثوا بالعامية ويلقون الشعر بالعامية .. ثم لا يقلقوا على الهوية الا عند كتابة قصة قصيرة .. بل ويتحاورون داخلها بالعامية ولا يجدون فى ذلك ضياع للهوية .. اللغة كائن حى يجب ان نجعله ينمو والا خسرنا اللغة وفقدنا الهوية .. والحقيقة احنا هنا لا نستخدم حجج الجمهور عايز كدا .. لانه وبمنتهى البساطة انت يمكن ان تطرحى افكار قيمة وتصلى فى نفس الوقت للجمهور .. سعيد جدا بالحوار معك عزيزتى
    خالص ودى

    ردحذف
  39. اشكرك جدا اخى احمد .. اقدر مشكلة التعامل مع الفصحى ونحترم كل الاراء بهذا الخصوص .. لكن هذا هو العمل ولم يعد امامنا ما نفعله سوى ان نقرأه .. ننتظر دائما رايك فى اعمالنا
    تحياتى

    ردحذف
  40. ملاحظة من "قاب قوسين": لا ننشر عادةً نصوصاً باللهجات العامية،غير أن هذه الحكايات - القصص الفاتنة، جعلتنا نتجاوز استثنائياً هذا المعيار الذي وضعناه لمنبرنا.
    http://www.qabaqaosayn.com/%D8%B3%D8%AA-%D8%AD%D9%83%D8%A7%D9%8A%D8%A7%D8%AA-%D8%B9%D9%86-%D9%82%D8%B5%D8%B5-%D9%82%D8%B5%D9%8A%D8%B1%D8%A9-%D8%AC%D8%AF%D8%A7%D9%8B/%D9%83%D8%AA%D8%A7%D8%A8%D8%A7%D8%AA/%D9%86%D8%B5%D9%88%D8%B5

    ردحذف
  41. د. رفعت السيد على
    لو قصة قصيرة اغفرها لك ,,,اما لو كنت ضربت صغيرك فعلا فلن اغفرها لك أبدا

    ردحذف
  42. هههههههههههههههه .. نعمل ايه يا صديقنا القصة تحكم

    ردحذف